မြန်မာ့ဓလေ့ရိုးရာယဉ်ကျေးမှုအစဉ်အလာကို ထိန်းသိမ်းစောင့်ရှောက်တတ်စေရန်၊ ဝန်ထမ်းများအချင်းချင်း ရုံးလုပ်ငန်းများဆောင်ရွက်ရာတွင် အပြန်အလှန်ညီညွတ်မျှတစွာဖြင့် အသင်းအဖွဲ့စိတ်ဓာတ်ကို အရင်းခံပြီး စည်းစည်းလုံးလုံးညီညီညွတ်ညွတ် ဝိုင်းဝန်းကြိုးပမ်းဆောင်ရွက်တတ်စေရန်၊ တစ်ဦးနှင့်တစ်ဦး အပြန်အလှန်ချစ်ကြည်ရင်းနှီးမှုနှင့် ပျော်ရွှင်မှုတို့ကိုရရှိစေရန် ရည်ရွယ်ချက်များဖြင့် မြန်မာနိုင်ငံလေကြောင်းနှင့်အာကာသပညာတက္ကသိုလ်၏ မြန်မာ့ရိုးရာထမနဲထိုးပြိုင်ပွဲကို ၁၁၊ ၂၊ ၂၀၂၅ ရက်နေ့ နေ့လယ်ပိုင်းတွင် မြန်မာနိုင်ငံလေကြောင်းနှင့်အာကာသပညာတက္ကသိုလ်၊ မိတ္ထီလာမြို့ ၌ စည်ကားသိုက်မြိုက်စွာကျင်းပခဲ့ပါသည်။
ရှေးဦးစွာ မြန်မာနိုင်ငံလေကြောင်းနှင့်အာကာသပညာတက္ကသိုလ်၊ ခေတ္တပါမောက္ခချုပ် ဒေါက်တာအောင်မျိုးသူမှ အဖွင့်အမှာစကားပြောကြားပြီး၊ ပြိုင်ပွဲဆုရွေးချယ်ရေးဒိုင်အဖွဲ့မှ အမှတ်ပေးရွေးချယ်ခဲ့မှုအခြေအနေများကိုရှင်းလင်းပြောကြားကာ ပထမဆု၊ ဒုတိယဆု၊ တတိယဆုနှင့် နှစ်သိမ့်ဆုရအဖွဲ့များကိုထုတ်ပြန်ကြေညာ၍ ပထမဆုအား ခေတ္တပါမောက္ခချုပ် ဒေါက်တာအောင်မျိုးသူမှ၎င်း၊ ဒုတိယဆုအား ဒုတိယပါမောက္ခချုပ် ဒေါက်တာမိုးသန္တာကြည်မှ၎င်း၊ တတိယဆုအား ဒေါက်တာတင်မြင့်နိုင်၊ ပါမောက္ခချုပ်၊ ကွန်ပြူတာတက္ကသိုလ်(ဗန်းမော်)မှ၎င်း၊ နှစ်သိမ့်ဆုအား ဒေါက်တာနှင်းနန္ဒာမောင်မှ၎င်း  ပြိင်ပွဲဝင်အဖွဲ့များကိုဆုများအသီးသီးပေးအပ်ချီးမြင့်ခဲ့ပါသည်။

မြန်မာနိုင်ငံလေကြောင်းနှင့်အာကာသပညာတက္ကသိုလ်၏ မိုးရာသီအားကစားပြိုင်ပွဲအား (၂၀၂၃ခုနှစ်၊ သြဂုတ်လ၊ ၂ ရက်)နေ့ မှ (၂၀၂၃ခုနှစ်၊ သြဂုတ်လ၊ ၁၂ ရက်)နေ့အထိကျင်းပခဲ့ပြီး ဆုပေးပွဲ အခမ်းအနားကို (၂၀၂၃ခုနှစ်၊ သြဂုတ်လ၊ ၁၂ ရက်)နေ့ ညနေ(၅း၃၀)နာရီ တွင်စတင်ကျင်းပခဲ့ရာ ဆုရရှိသူ အမျိုးသားဘောလုံးအသင်းအား ခေတ္တပါမောက္ခချုပ် ဒေါက်တာအောင်မျိုးသူ မှ၎င်း၊ ဆုရရှိသူ အမျိုးသမီးဘောလုံးအသင်းအား ဒုတိယပါမောက္ခချုပ် ဒေါက်တာမိုးသန္တာကြည် မှ၎င်း၊ အကောင်းဆုံးအားကစားသမားဆု၊ ဆုရရှိသူ စိုင်းညီလင်းစံ နှင့် အကောင်းဆုံးအားကစားသမားဆု၊ ဆုရရှိသူ မမေသူ တို့အား ဆရာ ဦးမောင်မောင်ရီ မှ၎င်း၊ ဂိုးသွင်းအများဆုံးဆု၊ ဆုရရှိသူ မောင်ကျော်သူရဖြိုးနှင့် ဂိုးသွင်းအများဆုံးဆု၊ ဆုရရှိသူ မဌေးဌေးဝေ တို့အား ဆရာဦးတင်ထွန်းလွင်မှ၎င်း၊ အကောင်းဆုံးဂိုးသမားဆု၊ ဆုရရှိသူ မောင်ကောင်းကျော် နှင့် အကောင်းဆုံးဂိုးသမားဆု၊ ဆုရရှိသူ မမေသဇင်အေး တို့အား ဆရာဦးသန်းစိုးဝင်း(၁) မှ၎င်း၊ ဆုတံဆိပ်များ အသီးသီး ချီးမြှင့်ပေးအပ်ခဲ့ပြီး ညနေ(၆း၀၀)နာရီတွင် ဆုပေးပွဲအခမ်းအနား အောင်မြင်စွာပြီးဆုံးခဲ့ပါသည်။

မြန်မာနိုင်ငံလေကြောင်းနှင့်အာကာသပညာတက္ကသိုလ်မိသားစု ဝါဆိုသင်္ဃန်းကပ်လှူပူဇော်ခြင်းအခမ်းအနား ကို ဩဂုတ်လ (၄) ရက် ၂၀၂၃ခုနစ်၊ နံနက်(၉)တွင်စတင်ပြီး သံဃာတော်များမှ ပရိတ်ကမ္မဝါများရွတ်ဖတ်ပူဇော်၍ ဝါဆိုသင်္ဃန်းကပ်လှူပူဇော်ခြင်းအကျိုးတရားအားဟောကြားကာ ပါမောက္ခချုပ်မိသားစု၊ ဒုပါမောက္ခချုပ်မိသားစု၊ ဌာနမှူးများ၊ ဆရာ၊ ဆရာမများနှင့် ကျောင်းသား၊ ကျောင်းသူများက နေ့ဆွမ်း၊ အချိုပွဲများ ဆပ်ကပ်လှူဒါန်းပြီး အခမ်းအနားကို အောင်မြင်စွာရုပ်သိမ်းခဲ့ပါသည်။

မြန်မာနိုင်ငံမီးသတ်ဦးစီးဌာနမှ မြန်မာနိုင်ငံလေကြောင်းနှင့်အာကာသပညာတက္ကသိုလ်တွင် မီးဘေးအန္တရာယ် အသိပညာပေးဟောပြောခြင်းနှင့် မီးသတ်ဆေးဗူးမှန်ကန်စွာအသုံးပြုနည်း သရုပ်ပြခြင်းကို ၂၃၊၆၊၂၀၂၃ ရက်နေ့ မနက်(၉:၀၀)နာရီတွင်ပြုလုပ်ခဲ့ပါသည်။