Announcements Notice Board

မြန်မာနိုင်ငံလေကြောင်းနှင့်အာကာသပညာတက္ကသိုလ် (၁၄)ကြိမ်မြောက်ဘွဲ့နှင်းသဘင် လျှောက်လွှာခေါ်ယူခြင်း။

၁။       မြန်မာနိုင်ငံလေကြောင်းနှင့် အာကာသပညာတက္ကသိုလ် (၂၀၂၄-၂၀၂၅) ပညာသင်နှစ်တွင် အင်ဂျင်နီယာဘွဲ့သင်တန်း၊ ဘွဲ့လွန်ဒီပလိုမာ (အာကာသနှင့် ဂြိုဟ်တုစနစ်နည်းပညာ) သင်တန်းနှင့်  မဟာအင်ဂျင်နီယာဘွဲ့သင်တန်း ဘွဲ့ရစာမေးပွဲကို ဖြေဆိုအောင်မြင်ခဲ့ကြသည့် သင်တန်းသားများအား အင်ဂျင်နီယာဘွဲ့အပ်နှင်းရန် (၁၄)ကြိမ်မြောက် ဘွဲ့နှင်းသဘင် အခမ်းအနားကို အောက်ပါအစီအစဉ်အတိုင်း ကျင်းပမည်ဖြစ်ပါသဖြင့် ဘွဲ့နှင်းသဘင် တက်ရောက်ရန် (သို့မဟုတ်) အဝေးရောက် ဘွဲ့ယူရန် လျှောက်ထားနိုင်ပါသည်-

          အစမ်းလေ့ကျင့်မည့်ရက်                  - ၂၄-၁-၂၀၂၆ (စနေနေ့)

          ဘွဲ့အပ်နှင်းမည့်ရက်                         - ၂၅-၁-၂၀၂၆ (တနင်္ဂနွေနေ့)

          ကျင်းပမည့်အချိန်                           - နံနက် (၉:၀၀)နာရီ

          ကျင်းပမည့်နေရာ                           - မြန်မာနိုင်ငံလေကြောင်းနှင့်အာကာသပညာတက္ကသိုလ် ဘွဲ့နှင်းသဘင်ခန်းမ

၂။       ဘွဲ့အပ်နှင်းရေးအတွက် မြန်မာဝတ်စုံ (သို့မဟုတ်) အနောက်တိုင်းဝတ်စုံဖြင့် (၂) လ အတွင်း ရိုက်ကူးထားသော (၂ x ၁.၅) လက်မအရွယ် ဓါတ်ပုံ(၅)ပုံ (ဓါတ်ပုံ၏အောက်တွင် မှတ်ပုံတင်နံပါတ်ထည့်သွင်းရိုက်ကူးခြင်းမပြုရန်)နှင့်အတူ လျှောက်လွှာတင်ရမည်ဖြစ်ပါသည်။

၃။      ဘွဲ့နှင်းသဘင်လျှောက်လွှာပုံစံများကို ဤတက္ကသိုလ်ကျောင်းသားရေးရာဌာနတွင် ဝယ်ယူ၍ ပြည့်စုံစွာဖြည့်စွက်ပြီး မှတ်ပုံတင်မိတ္တူတစ်စုံပူးတွဲ၍ (၁၅-၁-၂၀၂၆) ရက်နေ့ နောက်ဆုံးထားပြီးလျှောက် ထားရမည်။

၄။       ဘွဲ့နှင်းသဘင် တက်ရောက်လိုသူများသည် ဘွဲ့နှင်းသဘင်ကြေး ၁၅၀ဝိ/-(ကျပ်-တစ်ထောင့် ငါးရာတိတိ)၊ အဝေးရောက်ဘွဲ့ ယူလိုသူများသည် ဘွဲ့နှင်းသဘင်ကြေး ၁၀၀ဝိ/-(ကျပ်- တစ်ထောင်တိတိ) ပေးသွင်းရပါမည်။ စာတိုက်မှ ဘွဲ့နှင်းသဘင်ကြေး ပေးပို့မည်ဆိုပါက ငွေပို့လွှာတွင် ဘွဲ့နှင်းသဘင်ကြေး ပေးပို့ခြင်း (တက်ရောက်/အဝေးရောက်)ဟု ဖော်ပြပြီး ပါမောက္ခချုပ်၊ မြန်မာနိုင်ငံလေကြောင်းနှင့် အာကာသပညာတက္ကသိုလ်သို့ လိပ်မူ၍ လျှောက်လွှာရှင်၏ အမည်၊ ဘွဲ့ရ စာမေးပွဲ ခုံအမှတ်၊ အထူးပြုဘာသာ၊ ပညာသင်နှစ်၊ အောင်မြင်သည့် ခုနှစ်၊ လ နှင့် နေရပ်လိပ်စာ အပြည့်အစုံ တို့ကို တိကျစွာဖော်ပြရပါမည်။ ပြည့်စုံစွာဖော်ပြထားခြင်းမရှိသည့် ငွေပို့လွှာများကို လက်ခံစဉ်းစားမည် မဟုတ်ပါ။

၅။       ယခင်နှစ်မှဘွဲ့ရစာမေးပွဲ အောင်မြင်သူများသည် အဝေးရောက်ဘွဲ့ယူရန် လျှောက်ထားနိုင်ပါသည်။

၆။       ဘွဲ့နှင်းသဘင်တက်ရောက်ရန် လျှောက်လွှာတင်သွင်းပြီး တက်ရောက်ယူရန် ပျက်ကွက်ပါက တစ်နှစ်ဆိုင်းငံ့ပြီးမှသာ ဘွဲ့လက်မှတ်ကို ထုတ်ပေးမည်ဖြစ်ပါသည်။

မှတ်ချက်။       ။အသေးစိတ်အချက်အလက်များကို သိရှိလိုပါက ဤတက္ကသိုလ် သင်တန်းရေးရာဌာန(ဖုန်း - ၀၉-၉၄၂၄၂၂၄၄၆)တွင် စုံစမ်းမေးမြန်းနိုင်ပါသည်။

မိတ္ထီလာမြို့နယ်မှအပ ကျန်မြို့နယ်များအားလုံးက ဝင်ခွင့်ရ ကျောင်းသား/သူများနှင့် သင်တန်းအသီးသီးရှိ ကျောင်းသား/သူများသည် (၁၇-၁၁-၂၀၂၅ မှ ၂၁-၁၁-၂၀၂၅) အတွင်း  မိမိမဲစာရင်းပါရှိရာ ရပ်ကွက်/ကျေးရွာ/ရွေးကောက်ပွဲကော်မရှင်ရုံးများ၌ ကြိုတင်မဲပေးခဲ့ကြပါရန် တိုက်တွန်းနှိုးဆော်လိုက်ပါသည်။

တက္ကသိုလ်၀င်ခွင့်ရသူများစာရင်း (၂၀၂၅ ခုနှစ်အောင်)

ဦးရေ- (၃၆)

ပြည်ထောင်စုသမ္မတမြန်မာနိုင်ငံတော်အစိုးရ

သိပ္ပံနှင့်နည်းပညာဝန်ကြီးဌာန

အဆင့်မြင့်သိပ္ပံနှင့်နည်းပညာဦးစီးဌာန

မြန်မာနိုင်ငံလေကြောင်းနှင့်အာကာသပညာတက္ကသိုလ်

အင်ဂျင်နီယာဘွဲ့လွန်ဒီပလိုမာ (အာကာသနှင့်ဂြိုဟ်တုစနစ်နည်းပညာ) သင်တန်း အမှတ်စဉ်(၄) သင်တန်းသားလျှောက်လွှာခေါ်ယူခြင်း

၁။       မြန်မာနိုင်ငံလေကြောင်းနှင့်အာကာသပညာတက္ကသိုလ်၌ (၂၀၂၅-၂၀၂၆) ပညာသင်နှစ် အတွက် အင်ဂျင်နီယာဘွဲ့လွန်ဒီပလိုမာ(အာကာသနှင့်ဂြိုဟ်တုစနစ်နည်းပညာ) သင်တန်း အမှတ်စဉ် (၄) ကို ၂၀၂၅ ခုနှစ်၊ နိုဝင်ဘာ(၂၇) ရက်နေ့တွင် စတင်ဖွင့်လှစ်မည်ဖြစ်ပါသည်။

၂။       အင်ဂျင်နီယာဘွဲ့လွန်ဒီပလိုမာ(အာကာသနှင့်ဂြိုဟ်တုစနစ်နည်းပညာ) သင်တန်းအတွက် ဝင်ခွင့် စာမေးပွဲဖြေဆို အောင်မြင်ရမည်ဖြစ်ပြီး အောက်ပါဖော်ပြပါ ဘွဲ့တစ်ခုခု ရရှိထားသူများ လျှောက်ထား နိုင်ပါသည်။

         (က)   မြန်မာနိုင်ငံလေကြောင်းနှင့် အာကာသပညာတက္ကသိုလ်မှ ပေးအပ်ထားသော အင်ဂျင်နီယာဘွဲ့ ရရှိထားသူများ။

        (ခ)  B.E(Mechanical), B.E(Electronics), B.E(Electrical Power), B.E(Information Technology), B.E(Mechatronic), B.Sc(Applied Physics), B.Sc(Applied Mathematics) ဘွဲ့ရရှိထားသူများ ၊ ကွန်ပျူတာတက္ကသိုလ်များ မှ B.C.Sc, B.C.Tech, ဘွဲ့ ရရှိထားသူများ၊ ရေဆင်းစိုက်ပျိုးရေးတက္ကသိုလ် မှ B.Arg.Sc ဘွဲ့ရရှိထားသူများ နှင့် သစ်တောနှင့်သဘာဝပတ်ဝန်းကျင် ဆိုင်ရာတက္ကသိုလ် တို့မှ B.Sc(Forestry), B.Sc(Environmental Science) ဘွဲ့ရရှိထားသူများ။

၃။       အင်ဂျင်နီယာဘွဲ့လွန်ဒီပလိုမာ(အာကာသနှင့်ဂြိုဟ်တုစနစ်နည်းပညာ) သင်တန်းကာလမှာ အချိန်ပြည့် (၁) နှစ်သင်တန်းဖြစ်ပါသည်။ Course Work ပထမနှစ်ဝက် (၁၆) ပတ် နှင့် ဒုတိယနှစ်ဝက် (၁၆) ပတ်ဖြစ်ပြီး Term Paper ပြုစုခြင်း နှင့် Term Paper နှင့်သက်ဆိုင်သော Seminar  (၂) ကြိမ် ဖတ်ကြားတင်သွင်းရပါမည်။ သတ်မှတ်အရည်အချင်းနှင့်ပြည့်စုံအောင်မြင်ပါက Post Graduate Diploma in Space and Satellite Systems Engineering (P.G.Dip-SSE)ဘွဲ့ကို အပ်နှင်းမည်ဖြစ်သည်။

၄။       ဝင်ခွင့်လျှောက်ထားလိုသူများသည် အောက်ပါသတ်မှတ်ချက်များနှင့် ပြည့်စုံကြောင်း အထောက် အထားမူရင်းနှင့် မိတ္တူများကို တင်ပြရမည်။         

          (က) ၂၀၂၅ ခုနှစ်၊ စက်တင်ဘာလ (၁) ရက်နေ့တွင် အသက် (၃၀) နှစ်ထက်မကြီးသူဖြစ်ရမည်။ ဝန်ထမ်းများဖြစ်ပါက အသက် (၄၀) နှစ်ထက် မကြီး သူ ဖြစ်ရမည်။

          (ခ)   သင်တန်းသို့ အချိန်ပြည့်တက်ရောက်နိုင်သူ ဖြစ်ရမည်။

          (ဂ) ဝန်ထမ်းဖြစ်ပါက သင်တန်းသို့ အချိန်ပြည့် တက်ရောက်ခွင့်ပြုကြောင်းကို သက်ဆိုင်ရာ အကြီးအကဲ၏ ခွင့်ပြုချက်မူရင်း တင်ပြရမည်။

          (ဃ)     မြန်မာနိုင်ငံလေကြောင်းနှင့်အာကာသပညာတက္ကသိုလ်တွင် စစ်ဆေးမည့် သင်တန်း ဝင်ခွင့်အရည်အချင်းစစ် စာမေးပွဲနှင့် လူတွေ့စစ်ဆေးခြင်းကို ဝင်ရောက်ဖြေဆို အောင်မြင်သူများကိုသာ လက်ခံမည်။

၅။       လျှောက်လွှာနှင့်အတူ လျှောက်ထားသူ၏ အကျင့်စာရိတ္တကောင်းမွန်ကြောင်း သက်ဆိုင်ရာ မြို့နယ်ရဲတပ်ဖွဲ့ စခန်းတစ်ခုခုမှ ထောက်ခံစာမူရင်း၊ ပတ်စပို့ဓါတ်ပုံ (၃)ပုံ၊ ဘွဲ့လက်မှတ် မူရင်းနှင့် မိတ္တူတို့ကို တင်ပြရမည်။

၆။       သင်တန်းဝင်ခွင့်လျှောက်လွှာများကို (၅-၁၁-၂၀၂၅) ရက်နေ့မှစ၍ ဤတက္ကသိုလ်၌ ထုတ်ယူ နိုင်ပြီး၊   (၁၃-၁၁-၂၀၂၅) ရက်နေ့ နောက်ဆုံးထား၍ ကိုယ်တိုင်လျှောက်ထားရမည်။ လျှောက်လွှာများ ပြည့်စုံမှန်ကန်ပါက ဝင်ခွင့်စာမေးပွဲဖြေဆိုခွင့် ကတ်ပြားကို ထုတ်ပေးမည်ဖြစ်ပြီး (၁၅.၁၁.၂၀၂၅) ရက်နေ့ မှ (၁၆.၁၁.၂၀၂၅) ရက်နေ့အတွင်း မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ လူကိုယ်တိုင် လာရောက်သတင်း ပို့ရမည်။

၇။       ဝင်ခွင့်အရည်အချင်းစစ်စာမေးပွဲကို မြန်မာနိုင်ငံလေကြောင်းနှင့်အာကာသပညာတက္ကသိုလ် မိတ္ထီလာမြို့၌ အောက်ပါအတိုင်း ကျင်းပစစ်ဆေးပါမည်။

၈။       ဝင်ခွင့်စာမေးပွဲအောင်စာရင်းကို (၂၁.၁၁.၂၀၂၅) ရက်နေ့တွင် ထုတ်ပြန်ကြေညာမည်။

၉။       အသေးစိတ် အချက်အလက်များကို သိရှိလိုပါက မြန်မာနိုင်ငံလေကြောင်းနှင့် အာကာသပညာ တက္ကသိုလ်၊ မိတ္ထီလာမြို့၊ ဖုန်းနံပါတ် ( ၀၉-၇၅၇၆၂၀၇၂၀၊ ၀၉-၂၅၆၁၀၂၃၁၉၊ ၀၉- ၉၄၂၄၂၂၄၄၆ ) သို့ ဆက်သွယ် စုံစမ်း မေးမြန်းနိုင်ပါသည်။

ပြည်ထောင်စုသမ္မတမြန်မာနိုင်ငံတော်အစိုးရ

   သိပ္ပံနှင့်နည်းပညာဝန်ကြီးဌာန

အဆင့်မြင့်သိပ္ပံနှင့်နည်းပညာဦးစီးဌာန

မြန်မာနိုင်ငံလေကြောင်းနှင့်အာကာသပညာတက္ကသိုလ်

မဟာအင်ဂျင်နီယာ(လေကြောင်းနှင့်အာကာသ)ဘွဲ့သင်တန်း သင်တန်းသား‌လျှောက်လွှာခေါ်ယူခြင်း

၁။       မြန်မာနိုင်ငံလေကြောင်းနှင့်အာကာသပညာတက္ကသိုလ်၌ ( ၂၀၂၅-၂၀၂၆ ) ပညာသင်နှစ်အတွက် လေကြောင်းနှင့်အာကာသဆိုင်ရာ မဟာအင်ဂျင်နီယာဘွဲ့သင်တန်းများ ( အမှတ်စဉ် - ၁၁ ) ကို ၂၀၂၅ခုနှစ်၊  နိုဝင်ဘာ ၂၄ ရက်နေ့တွင် စတင်ဖွင့်လှစ်မည်    ဖြစ်ပါသည်။

၂။       မဟာအင်ဂျင်နီယာဘွဲ့ သင်တန်းအတွက် ဝင်ခွင့်သတ်မှတ်ချက်များမှာ အောက်ပါအတိုင်း ဖြစ်ပါသည်။

          (က)     ပြည်ထောင်စုသမ္မတမြန်မာနိုင်ငံသားဖြစ်ရမည်။

           (ခ)      သက်ဆိုင်ရာအဓိကဘာသာရပ်ဖြင့် အင်ဂျင်နီယာဘွဲ့ရရှိပြီး မဟာအင်ဂျင်နီယာဘွဲ့သင်တန်း များသို့ တက်ရောက်ရန် အဆင့်မီသူများဖြစ်ရမည်။

(ဂ)      သင်တန်းသို့ အချိန်ပြည့် တက်ရောက်နိုင်သူဖြစ်ပြီး သင်တန်းစည်းကမ်းများကို လိုက်နာနိုင်သူ ဖြစ်ရမည်။

(ဃ)    ဝန်ထမ်းဖြစ်ပါက သက်ဆိုင်ရာဝန်ကြီးဌာန၏ ခွင့်ပြုချက်ဖြင့်လျှောက်ထားရမည်။

(င)      သိပ္ပံနှင့်နည်းပညာဝန်ကြီးဌာနမှ ဆရာ/ဆရာမများနှင့်ဝန်ထမ်းများသည် တစ်ဆက်တည်း လုပ်သက်(၂) နှစ်ပြည့်ပြီး လက်ရှိတာဝန်ထမ်းဆောင်နေသူဖြစ်ရမည်။ ပြစ်မှုကင်းရှင်းရမည်။ သင်တန်းတက်ရောက်ခွင့်လျှောက်ထားရာတွင် အဆိုပါဝန်ထမ်း၏ နေရာအတွက် လုပ်ငန်း ထိခိုက်မှုမရှိကြောင်း သက်ဆိုင်ရာ ဌာနမှူးနှင့် ပါမောက္ခချုပ်/ ကျောင်းအုပ်ကြီးတို့မှ လျှောက်ထားခွင့်ပြုကြောင်း ထောက်ခံချက်နှင့် သက်ဆိုင်ရာ ဦးစီးဌာနမှ အချိန်ပြည့် တက်ရောက်ခွင့်ပြုကြောင်း ခွင့်ပြုချက်ပါရှိရမည်။

(စ)      ဝင်ခွင့်အရည်အချင်းစစ် စာမေးပွဲအောင်မြင်သူဖြစ်ရမည်။

(ဆ) အင်ဂျင်နီယာဘွဲ့လွန်ဒီပလိုမာ(အာကာသနှင့်ဂြိုဟ်တုစနစ်နည်းပညာ)သင်တန်းအောင်မြင်သူ များသည် မဟာအင်ဂျင်နီယာသင်တန်း M.E (Aerospace- Space Systems Engineering) တက်ရောက်ရန်အတွက်ဝင်ခွင့်စာမေးပွဲဖြေဆိုရန် အဆင့်မီသူများဖြစ်ရမည်။

(ဇ)      မဟာအင်ဂျင်နီယာသင်တန်းအလိုက် အောက်ပါအတိုင်း အင်ဂျင်နီယာဘွဲ့ရရှိသူများဖြစ်ရမည်။

၃။       လျှောက်လွှာနှင့်အတူ  လျှောက်ထားသူ၏ နိုင်ငံသားစိစစ်ရေးကတ်ပြား (မူရင်းနှင့်မိတ္တူ)  အကျင့် စာရိတ္တကောင်းမွန်ကြောင်း  သက်ဆိုင်ရာ မြို့နယ်ရဲတပ်ဖွဲ့စခန်းတစ်ခုခုမှ ထောက်ခံစာ(မူရင်း)၊ ပတ်စပို့ အရွယ်ရောင်စုံဓါတ်ပုံ (၃)ပုံ နှင့်  မဟာအင်ဂျင်နီယာဘွဲ့သင်တန်းများသို့ တက်ရောက်ရန် အဆင့်မီသူများ ဖြစ်ကြောင်း အောင်မြင်ခဲ့သော နည်းပညာတက္ကသိုလ်များမှ ထောက်ခံချက်(မူရင်း နှင့် မိတ္တူ) တို့ကို ပူးတွဲ တင်ပြရမည်။

၄။       သင်တန်းဝင်ခွင့်‌လျှောက်လွှာများကို ၅-၁၁-၂၀၂၅ မှစ၍ ဤတက္ကသိုလ်၌ ထုတ်ယူနိုင်ပြီး                ၁၃-၁၁-၂၀၂၅ နောက်ဆုံးထား၍ မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ ကိုယ်တိုင်ပေးပို့ လျှောက်ထားရမည်။ လျှောက်လွှာများပြည့်စုံ မှန်ကန်ပါက ဝင်ခွင့်စာမေးပွဲဖြေဆိုခွင့် ကတ်ပြားကို              ထုတ်ပေးမည်ဖြစ်ပြီး ၁၅-၁၁-၂၀၂၅ မှ ၁၆-၁၁-၂၀၂၅ သင်တန်းရေးရာဌာနသို့ လူကိုယ်တိုင်လာရောက် သတင်းပို့ရမည်။

၅။       မဟာအင်ဂျင်နီယာဘွဲ့သင်တန်းသို့ ဝင်ခွင့်အရည်အချင်းစစ်စာမေးပွဲကို မြန်မာနိုင်ငံလေကြောင်းနှင့် အာကာသပညာတက္ကသိုလ်၊ မိတ္ထီလာမြို့၌ အောက်ပါအတိုင်း ကျင်းပစစ်ဆေးပါမည်။

၆။       ဝင်ခွင့်စာမေးပွဲဖြေဆိုရန် လာရောက်သည့်အခါ မိမိ၏ နိုင်ငံသားစိစစ်ရေးကတ်ပြား(မူရင်း)၊ စာမေးပွဲဖြေဆိုခွင့်ကတ်(မူရင်း ) တို့ကိုတစ်ပါတည်းယူဆောင်လာရမည်။

၇။       ဝင်ခွင့်စာမေးပွဲအောင်စာရင်းကို ၂၁-၁၁-၂၀၂၅ ရက်နေ့တွင် ထုတ်ပြန်ကြေငြာပေးမည်။

၈။       အသေးစိတ်အချက်အလက်များကို သိရှိလိုပါက မြန်မာနိုင်ငံလေကြောင်းနှင့် အာကာသပညာ တက္ကသိုလ်၊မိတ္ထီလာမြို့၊တယ်လီဖုန်းနံပါတ်(၀၉-၉၄၂၄၂၂၄၄၆)သို့ဆက်သွယ် စုံစမ်းမေးမြန်းနိုင်ပါသည်။

မြန်မာနိုင်ငံလေကြောင်းနှင့်အာကာသပညာတက္ကသိုလ်(မိတ္ထီလာမြို့)