Announcements Notice Board

တက္ကသိုလ်၏ သင်တန်းများပြန်လည်ဖွင့်လှစ်ကြောင်း အသိပေးကြေညာခြင်း။

၁။ မြန်မာနိုင်ငံလေကြောင်းနှင့်အာကာသပညာတက္ကသိုလ်၏
             (က) ၂၀၁၉-၂၀၂၀ ပညာသင်နှစ်၊ အင်ဂျင်နီယာဘွဲ့သင်တန်း(ပထမနှစ်)
              (ခ) ၂၀၂၁-၂၀၂၂ ပညာသင်နှစ်၊ အင်ဂျင်နီယာဘွဲ့သင်တန်း(တတိယနှစ်၊ စတုတ္ထနှစ်၊ ပဥ္စမနှစ်၊ နောက်ဆုံးနှစ်)
              (ဂ) ၂၀၂၂-၂၀၂၃ ပညာသင်နှစ်၊ အင်ဂျင်နီယာဘွဲ့သင်တန်း(ပထမနှစ်) (၂၀၂၀ ပြည့်နှစ် တက္ကသိုလ်ဝင်စာမေးပွဲအောင်မြင်သူများ) ၏
     သင်တန်းများကို (၁၂-၅-၂၀၂၂)ရက်နေ့မှစတင်၍ ဖွင့်လှစ်သွားမည်ဖြစ်ပါသည်။

၂။ (က) ၂၀၂၂-၂၀၂၃ ပညာသင်နှစ်၊ ပထမနှစ်သင်တန်းကို (၂၀-၄-၂၀၂၂) ရက်နေ့မှ (၂၇-၅-၂၀၂၂) ရက်နေ့အထိ၊
     (ခ) ၂၀၁၉-၂၀၂၀ ပညာသင်နှစ် နှင့် ၂၀၂၁-၂၀၂၂ ပညာသင်နှစ်၊ သင်တန်းများကို (၂-၅-၂၀၂၂) ရက်နေ့မှ (၂၇-၅-၂၀၂၂) ရက်နေ့အထိ၊ ကျောင်းအပ်လက်ခံမည်ဖြစ်ပါသည်။

၃။ အဆောင်နေထိုင်ခွင့်ကို ကျောင်းစတင်မဖွင့်မှီ (၁၀-၅-၂၀၂၂) ရက်နေ့နောက်ဆုံးထား၍ သင်တန်းနှင့်ကျောင်းသားရေးရာဌာနတွင် ကိုယ်တိုင်လျှောက်ထားရမည်ဖြစ်ပါသည်။

၁။ ၂၀၂၂-၂၀၂၃ ပညာသင်နှစ်၊ အဆင့်မြင့်ပညာဦးစီးဌာန(ရန်ကုန်) တက္ကသိုလ်ဝင်ခွင့်စီစစ်ရွေးချယ်ရေးအဖွဲ့၏ ရွေးချယ်ခွင့်ပြုချက်အရ မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ ဝင်ခွင့်ရရှိသူများသည် တက္ကသိုလ်ဝင်ခွင့်လမ်းညွှန်တွင်ပါရှိသည့်အတိုင်း လူတွေ့စစ်ဆေးခြင်းနှင့် ကျန်းမာရေးစစ်ဆေးမှုများပြုလုပ်ရန်ရှိပါသဖြင့် ကျောင်းသားနှင့်မိဘကိုယ်တိုင် ကျောင်းအပ်စတင်လက်ခံသည့်ရက်တွင် မပျက်မကွက်(မပျက်မကွက်) လာရောက်ပါရန် အကြောင်းကြားပါသည်။

၂။ ဤတက္ကသိုလ်၏ ကျောင်းအပ်လက်ခံသည့်ရက်မှာ (၁၈-၄-၂၀၂၂) ရက်နေ့မှ (၂၇-၅-၂၀၂၂) ရက်နေ့ထိ ဖြစ်ပါသည်။

၃။ ကျောင်းဖွင့်လှစ်၍ လာရောက်သည့်အခါ လိုင်စင်ဓါတ်ပုံ(၁၂)ပုံ၊ အောင်လက်မှတ်မူရင်းနှင့်မိတ္တူ၊ အမှတ်စာရင်းမိတ္တူ၊ ကျောင်းသားနှင့်မိဘနှစ်ဦးတို့၏ မှတ်ပုံတင်မူရင်းနှင့်မိတ္တူတို့အပြင်၊ကျောင်းအပ်နှံရေးအတွက် သက်ဆိုင်ရာရပ်ကွက်အုပ်ချုပ်ရေးမှူးနှင့် ရဲစခန်းထောက်ခံစာများကို တပါတည်းယူဆောင်လာရန်ဖြစ်သည်။

၄။ ကျောင်းပြောင်းရွှေ့ တက်ရောက်လိုသူများနှင့် အကြောင်းအမျိုးမျိုးကြောင့် ၂၀၂၂-၂၀၂၃ ပညာသင်နှစ်တွင် တက်ရောက်နိုင်ခြင်းမရှိသူများ၊ ဆေးနား၊ စီးပွားနား လျှောက်ထားလိုသူများသည် ဉီးစွာကျောင်းအပ်နှံ၍ (ဆေးနား/စီးပွားနား/ပြောင်းရွှေ့) တို့ကို ကျောင်းစတင်ဖွင့်လှစ်သည့်ရက်မှ (၂၁)ရက်အတွင်း ၌သာ လျှောက်ထားရန် အသိပေး အကြောင်းကြားပါသည်။

၅။ ကျောင်းစတင်ဖွင့်လှစ်သည့် (၁၂-၅-၂၀၂၂) ရက်နေ့မှစ၍ ရက်ပေါင်း(၃၀)ရက်အတွင်း ကျောင်းအပ်နှံခြင်းမရှိသူများအား ဤတက္ကသိုလ်၏ ကျောင်းသားစာရင်းမှ အပြီးပယ်ဖျက်မည်ဖြစ်ကြောင်း ကြိုတင်အသိပေး အကြောင်းကြားပါသည်။

အထူးပြုဘာသာ- နည်းပညာ                                                                              ဦးရေ-(၁၀၇)

ပြည်ထောင်စုသမ္မတမြန်မာနိုင်ငံတော်အစိုးရ
သိပ္ပံနှင့်နည်းပညာ၀န်ကြီးဌာန
ကြေငြာချက်

နည်းပညာတက္ကသိုလ်၊ ကွန်ပျူတာတက္ကသိုလ်၊ ကောလိပ်၊ သိပ္ပံသင်တန်းများဖွင့်လှစ်ခြင်း

          သိပ္ပံနှင့်နည်းပညာ၀န်ကြီးဌာန၊ နည်းပညာတက္ကသိုလ်များ၊ ကွန်ပျူတာတက္ကသိုလ်များ၊ အစိုးရနည်းပညာကောလိပ်များ၊ အစိုးရစက်မှုလက်မှုသိပ္ပံများတွင် (၂၀၁၉-၂၀၂၀) ပညာသင်နှစ်အတွက်အောက်ဖေါ်ပြပါ ဘွဲ့ကြို၊ ဘွဲ့လွန်၊ ဒီပလိုမာနှင့် သင်တန်းအသီးသီးကို (၆-၁-၂၀၂၂)ရက်နေ့တွင် စတင်ဖွင့်လှစ်မည်ဖြစ်ကြောင်း ကြေညာလိုက်သည် - 

                       (က) နည်းပညာတက္ကသိုလ်များ
                              (၁) B.S Bio-Tech (တတိယနှစ်)
                              (၂) B.E / B.Arch (ပဉ္စမနှစ်)
                              (၃) B.E (ဆဌမနှစ် Internship & mini-thesis ဆောင်ရွက်ဆဲ)
                              (၄) ဘွဲ့လွန် ဒီပလိုမာ
                              (၅) မြန်မာနိုင်ငံလေကြောင်းနှင့်အာကာသပညာတက္ကသိုလ်ရှိ ပထမနှစ်မှ ပဉ္စမနှစ်အထိ

                       (ခ) ကွန်ပျူတာတက္ကသိုလ်များ

                              (၁) စတုတ္ထနှစ်

                              (၂) ဘွဲ့ကြို ဒီပလိုမာ

                              (၃) ဘွဲ့လွန် ဒီပလိုမာ

                              (၄) မြန်မာသတင်းအချက်အလက်နည်းပညာတက္ကသိုလ်ရှိ ပထမနှစ်မှ စတုတ္ထနှစ်အထိ                       

                             (ဂ) အစိုးရနည်းပညာကောလိပ်များနှင့် အစိုးရစက်မှုလက်မှုသိပ္ပံများ

                                    (၁) AGTI ပထမနှစ်

                                    (၂) AGTI ဒုတိယနှစ်

                                                                                                            သိပ္ပံနှင့်နည်းပညာ၀န်ကြီးဌာန

မြန်မာနိုင်ငံလေကြောင်းနှင့်အာကာသပညာတက္ကသိုလ် (၂၀၁၉-၂၀၂၀) ပညာသင်နှစ် ပထမနှစ်အင်ဂျင်နီယာသင်တန်းအတွက် ၂၀၁၉ တက္ကသိုလ်ဝင်တန်းစာမေးပွဲအောင်မြင်သော ကျောင်းသားကျောင်းသူများသည် စုစုပေါင်းရမှတ် (၄၂၀)မှတ်နှင့်အထက် (သို့မဟုတ်) (အင်္ဂလိပ်စာ၊သင်္ချာ၊ဓါတုဗေဒ၊ရူပဗေဒ) (၄)ဘာသာစုစုပေါင်းရမှတ်(၃၀၀)နှင့်အထက်ရှိသူများကို (၂၄-၆-၂၀၁၉)ရက်နေ့မှ (၂၃-၇-၂၀၁၉) ရက်နေ့ထိ လက်ခံဆောင်ရွက်ပေးမည်ဖြစ်သည်။ သို့ဖြစ်ပါ၍ တက္ကသိုလ်ဝင်ခွင့်လျှောက်ထားလိုသူများသည် တက္ကသိုလ်ဝင်ခွင့်အိတ်လျှောက်လွှာများကို မြန်မာနိုင်ငံလေကြောင်းနှင့်အာကာသပညာတက္ကသိုလ်သို့ တိုက်ရိုက်လာရောက်လျှောက်ထားနိုင်ကြောင်း အသိပေးကြေညာအပ်ပါသည်။